पोखरा स्वास्थ्य विज्ञान प्रतिष्ठानको डीनमा डेविड, निर्देशक झपिन्द्र

👤 सनस्टार संवाददाता  |  📅 2026-09-20

पोखरा स्वास्थ्य विज्ञान प्रतिष्ठानको डीनमा डेविड, निर्देशक झपिन्द्र ०४ असोज २०८३, पोखरा स्वास्थ्य विज्ञान प्रतिष्ठानमा सहप्राध्यापक डाक्टर डेविड श्रेष्ठ डिन र सहप्राध्यापक डाक्टर झपिन्द्र पोखरेल अस्पताल निर्देशक नियुक्त भएका छन् । नवनियुक्त डिन श्रेष्ठले शैक्षिक स्तर वृद्धि र निर्देशक पोखरेलले अस्पतालको सेवा सुधारलाई प्राथमिकता दिने बताएका छन् । पोखराको पोखरा स्वास्थ्य विज्ञान प्रतिष्ठानमा डीन र निर्देशक नियुक्त गरिएको छ । डिनमा सहप्राध्यापक डाक्टर डेविड श्रेष्ठ र अस्पताल निर्देशकमा सहप्राध्यापक डाक्टर झपिन्द्र पोखरेल नियुक्त भएका हुन् । प्रतिष्ठानको प्रशासनिक तथा शैक्षिक सुधारका लागि ३ असोजमा श्रेष्ठलाई डीन र पोखरेललाई अस्पताल निर्देशकको जिम्मेवारी दिइएको हो । ‘प्रतिष्ठानको शैक्षिक स्तर वृद्धि, अध्ययन अनुसन्धान र नयाँ कार्यक्रम विस्तारमा मेरो ध्यान केन्द्रित हुनेछ,’ नवनियुक्त डीन श्रेष्ठले भने । नवनियुक्त निर्देशक पोखरेलले अस्पतालको सेवा सुधारलाई प्राथमिकतामा राखिने निर्देशक पोखरेलले बताए । ‘पश्चिमाञ्चल क्षेत्रीय अस्पतालको स्वास्थ्य सेवालाई थप गुणस्तरीय, पहुँचयोग्य र प्रविधिमैत्री बनाउन म निरन्तर खट्नेछु,’ उनले भने । लामो समयदेखि चिकित्सा शिक्षा, अनुसन्धान र प्राध्यापनमा सक्रिय श्रेष्ठ प्रतिष्ठानका अनुभवी विशेषज्ञ मानिन्छन् । अस्पताल व्यवस्थापन र स्वास्थ्य सेवा प्रवाहमा पोखरेलले यसअघि पनि विभिन्न जिम्मेवारी सफलतापूर्वक सम्हालिसकेका छन् । उनी हाडजोर्नी विशेषज्ञ हुन् ।